728-pixel-x-90-2-learn
728-pixel-x-90
<< >>

ഹോട്ടലുകളിലെ വില നിയന്ത്രിക്കാനുള്ള ബില്ലിന് അംഗീകാരം

തിരുവനന്തപുരം:സംസ്ഥാനത്ത് ഹോട്ടലുകളിലെ ഭക്ഷ്യവില നിയന്ത്രിക്കുന്നതിനുള്ള ബില്ലിന് മന്ത്രിസഭ അംഗീകാരം നല്‍കി.ഈ മാസം 30ന് ആരംഭിക്കുന്ന നിയമസഭാ സമ്മേളനത്തില്‍ ബില്‍ അവതരിപ്പിക്കും.

സംസ്ഥാനത്തെ ഹോട്ടലുകളുടെ നിലവാരത്തിന് അനുസരിച്ച് ഭക്ഷണവില ഏകീകരിക്കാന്‍ ബില്ല് വ്യവസ്ഥ ചെയ്യുന്നുണ്ട്.ഹോട്ടലുകളെ സൗകര്യത്തിന്റെയും സേവനത്തിന്റെയും അടിസ്ഥാനത്തില്‍ പല ഗ്രേഡുകളായി തിരിച്ചാവും ഭക്ഷണസാധനങ്ങളുട വില നിശ്ചയിക്കുക.ഹോട്ടലുകളില്‍ വില കൂട്ടാനുള്ള അധികാരം സര്‍ക്കാര്‍ പ്രതിനിധികള്‍ അടങ്ങുന്ന കമ്മറ്റിക്കായിരിക്കും.വിപണി വില ക്രമാതീതമായി കൂടുമ്പോഴായിരിക്കും വില കൂട്ടുക.ആവശ്യമെങ്കില്‍ വില കുറയ്ക്കാനും കമ്മറ്റിക്ക് അധികാരം ഉണ്ടാകും.

ബില്ല് പാസായാല്‍ ഇത് നടപ്പാക്കാന്‍ ജില്ലാതല സമിതികളും ഉണ്ടാകും.ഹോട്ടല്‍ ഭക്ഷണത്തിന് അനിയന്ത്രിതമായി വല വര്‍ദ്ധിക്കുന്നുവെന്ന പരാതി വ്യാപകമായതിനെ തുടര്‍ന്നാണ് പുതിയ ബില്ല് അവതരിപ്പിക്കാനൊരുങ്ങുന്നത്.

INDIANEWS24.COM T V P M

Leave a Reply