jio 800x100
jio 800x100
728-pixel-x-90
<< >>

സ്‌നോഡനെ കുറിച്ചുള്ള ചിത്രത്തിന്‌ ഏറ്റവും വലിയ ഡോക്യമെന്ററി പുരസ്‌കാരം

ലോസാഞ്ജല്‍സ്: അമേരിക്കയിലെ ദേശീയ സുരക്ഷാ ഏജന്‍സി മുന്‍ ജീവനക്കാരനായ എഡ്വേര്‍ഡ് സ്‌നോഡന്റെ ജീവിതത്തെ ആസ്പദമാക്കിയ ഡോക്യുമെന്ററിക്ക് അന്തര്‍ദേശീയ പുരസ്‌കാരം.ഡോക്യുമെന്ററികള്‍ക്ക് നല്‍കി വരുന്ന ഏറ്റവും വലിയ പുരസ്‌കാരമാണ് ചിത്രത്തിന് ലഭിച്ചിരിക്കുന്നത്.ലോറ പൊയ്ട്രസ് സംവിധാനം ചെയ്ത ‘സിറ്റിസണ്‍ ഫോര്‍’ എന്ന പേരിലുള്ള ഡോക്യുമെന്ററി ഇന്റര്‍നാഷണല്‍ ഡോക്യുമെന്ററി അസോസിയേഷന്റെ മികച്ച ഡോക്യുമെന്ററിക്കുള്ള അവാര്‍ഡിനാണ്‌ അര്‍ഹമായത്‌.

നാഷണല്‍ സെക്യൂരിറ്റി ഏജന്‍സിയില്‍ നിന്ന് ചോര്‍ത്തിയ വിവരങ്ങള്‍ പുറത്തുവിടുന്നതും തുടര്‍ന്ന് ഹോങ്കോംഗിലെ ഹോട്ടലില്‍ ഒളിവില്‍ താമസിക്കുന്നതടക്കമുള്ള സ്‌നോഡന്റെ സംഭവബഹുലമായ ജീവിതമാണ് ഡോക്യുമെന്ററി ദൃശ്യവത്കരിക്കുന്നത്.ഡോക്യുമെന്ററിയെ തേടിയെത്തുന്ന രണ്ടാമത്തെ അവാര്‍ഡാണിത്. നേരത്തെ ന്യൂയോര്‍ക്ക് ഫിലിം ക്രിട്ടിക്‌സ് സര്‍ക്കിള്‍ അവാര്‍ഡ് ഈ ചിത്രം കരസ്ഥമാക്കിയിരുന്നു.

ഓസ്‌കാറിനായി മത്സരിക്കുന്ന 15 ഡോക്യുമെന്ററികളിലും ‘സിറ്റിസണ്‍ ഫോര്‍’ ഉള്‍പ്പെട്ടിട്ടുണ്ട്.സ്‌നോഡന്‍ വെളിപ്പെടുത്തിയ രഹസ്യ വിവരങ്ങള്‍ പ്രസിദ്ധപ്പെടുത്തിയതിന് ലോറ പൊയ്ട്രസിന് ഈ വര്‍ഷത്തെ പുലിറ്റ്‌സര്‍ സമ്മാനം ലഭിച്ചിരുന്നു.

INDIANEWS24 INTERNATIONAL DESK

Leave a Reply