728-pixel-x-90-2-learn
728-pixel-x-90
<< >>

സിനിമ താരം കെ.ജി ദേവിക അമ്മ അന്തരിച്ചു

തിരുവനന്തപുരം: സിനിമ,ടിവി,സീരിയല്‍,നാടക നടി കെ.ജി ദേവിക അമ്മ അന്തരിച്ചു. തൊണ്ണൂറ്റിയേഴ് വയസ് . മാസങ്ങളായി വാര്‍ധക്യ സഹജമായ രോഗങ്ങള്‍ മൂലം ചികിത്സയിലായിരുന്നു. കലാ നിലയം നാടകവേദി സ്ഥാപകനും തനി നിറം പത്രാധിപരും ആയിരുന്ന പരേതനായ കലാ നിലയം കൃഷ്ണന്‍ നായരാണ് ഭര്‍ത്താവ്.
കൊട്ടാരം വീട്ടില്‍ അപ്പൂട്ടന്‍, സൂത്രധാരന്‍, കിലുക്കം, വക്കാലത്ത് നാരായണന്‍ കുട്ടി, തുടങ്ങിയ ചിത്രങ്ങളില്‍ അടക്കം നിരവധി സിനിമയില്‍ അഭിനയിച്ചിരുന്ന ദേവകിയമ്മ ആദ്യം ഇന്ത്യാ ഗവണ്‍മെന്റിന്റെ കീഴിലുള്ള ഓള്‍ ഇന്ത്യ റേഡിയോയില്‍ എത്തി. നാടകത്തിനായാണു ഓള്‍ ഇന്ത്യ റേഡിയോയില്‍ എത്തിയതെങ്കിലും പിന്നീട് കൊയ്ത്തു പാട്ട്, വഞ്ചിപ്പാട്ട്, തിരുവാതിരപ്പാട്ട്, കവിതകള്‍, ലളിതഗാനങ്ങള്‍, ശാസ്ത്രീയ സംഗീതം, നാടന്‍പാട്ടുകള്‍ തുടങ്ങി നിരവധി പരിപാടികള്‍ ദേവകിയമ്മ അവതരിപ്പിച്ചു തുടങ്ങി. ആകാശവാണിയില്‍ വച്ച് പത്മരാജനുമായുള്ള പരിചയമാണ് ദേവകിയമ്മയെ സിനിമയില്‍ എത്തിച്ചത്. ഒരിടത്തൊരു ഫയല്‍വാന്‍ എന്ന ചിത്രത്തില്‍ ദേവകിയമ്മയെ മനസ്സില്‍ കണ്ടു കൊണ്ടാണു പത്മരാജന്‍ ഒരു അമ്മ വേഷം എഴുതിയത്. സിനിമയില്‍ അഭിനയിക്കാന്‍ ദേവകിയമ്മ വിസമ്മതിച്ചപ്പോള്‍ കലാനിലയം കൃഷ്ണന്‍ നായരെ കൊണ്ട് നിര്‍ബന്ധിപ്പിച്ചാണ് പത്മരാജന്‍ അവരെ അഭിനയിപ്പിച്ചത്.
ഭാഗവതരായിരുന്ന അച്ഛനില്‍ നിന്നും പകര്‍ന്നു കിട്ടിയ സംഗീതം, നന്നേ ചെറുപ്പത്തില്‍ തന്നെ സംഗീതം അഭ്യസിക്കുകയും എട്ടു വയസ്സുള്ളപ്പോള്‍ തന്നെ കച്ചേരി നടത്തി അരങ്ങേറ്റം കുറിക്കയും ചെയ്തു. പിന്നീട് വിവിധ നാടകങ്ങളില്‍ പാടി അഭിനയിച്ചു തുടങ്ങി. കുമാരനാശാന്റെ അഹല്യാമോക്ഷം, ഉഷാ അനിരുദ്ധന്‍ തുടങ്ങിയ നാടകങ്ങളില്‍ ഈ കാലത്ത് അഭിനയിച്ചു. ചെറു നാടക കമ്പിനികളില്‍ അഭിനയിച്ചിരുന്ന കാലത്ത് കലാനിലയം കൃഷ്ണന്‍ നായര്‍ അവരെ അദ്ദേഹത്തിന്റെ കമ്പനിയിലേക്ക് ക്ഷണിച്ചു. ലാവണ്യലഹരിയായിരുന്നു ആദ്യ നാടകം. കുട്ടികള്‍ക്കായുള്ള പരിപാടികള്‍ അവതരിപ്പിക്കുവാന്‍ പുറത്ത് നിന്നെത്തുന്ന കുട്ടികളെ പരിശീലിപ്പിക്കേണ്ട ചുമതലയും അവര്‍ക്കായിരുന്നു. എന്‍ കെ ആചാരി, കെ ജി സേതുനാഥ് എന്നിവരായിരുന്നു ആ കാലഘട്ടത്തിലെ മിക്ക നാടകങ്ങളും ആകാശവാണിയില്‍ എഴുതിയിരുന്നത്. വൈവിധ്യമാര്‍ന്ന പല കഥാപാത്രങ്ങളെയും റേഡിയോ നാടകങ്ങളില്‍ ദേവകിയമ്മ അവതരിപ്പിച്ചു. മൂന്നു പതിറ്റാണ്ടു കാലം ഓള്‍ ഇന്ത്യ റേഡിയോയില്‍ അവര്‍ ജോലി നോക്കി. എ ഗ്രേഡ് ആര്‍ട്ടിസ്റ്റായി 1980 ലാണ് അവര്‍ വിരമിച്ചത്. മക്കള്‍: കലാവതി, ഗീത, മായ, ജീവന്‍ കുമാര്‍, ദുര്‍ഗ്ഗാ ദേവി

Leave a Reply