728-pixel-x-90-2-learn
728-pixel-x-90
<< >>

വാട്ടര്‍ലെവല്‍ ഡോക്യുമെന്ററിയുടെ സമാരംഭം എം.ടി വാസുദേവന്‍ നായര്‍ നിര്‍വഹിച്ചു

കോഴിക്കോട്: പ്രളയാനന്തര കേരളത്തിന്റെ ഏറ്റവും വലിയ വെല്ലുവിളിയായ കേരള പുനര്‍നിര്‍മ്മാണത്തിന്റെ വിവിധ വശങ്ങളെ സമഗ്രമായി വിശകലനം ചെയ്യുന്ന വാട്ടര്‍ലെവല്‍ എന്ന  ഇംഗ്ലീഷിലുള്ള ഡോക്യുമെന്ററിയുടെ ഔദ്യോഗിക ലോഞ്ചിംഗ്  കോഴിക്കോട് വെച്ച് .എം.ടി വാസുദേവന്‍ നായര്‍ നിര്‍വഹിച്ചു. കാലികപ്രസക്തവും ഗൗരവതരവുമായ ദൃശ്യാന്വേഷണം പ്രളയാനന്തരകേരളത്തെ സംബന്ധിച്ചിടത്തോളം തികച്ചും അനിവാര്യമായ ഒന്നാണെന്ന വിലയിരുത്തലില്‍ നിന്നാണ് ഇത്തരമൊരു ആശയം ഉരുത്തിരിയുന്നത്.
എന്തൊക്കെയാണ് പുനര്‍നിര്‍മ്മാണത്തിന്റെ സാധ്യതകളും വെല്ലുവിളികളും എന്ന് ഡോക്യുമെന്ററി അന്വേഷിക്കുന്നു. എത്തരത്തിലാവണം പുനര്‍ നിര്‍മ്മാണം എന്നതും വെല്ലുവിളികളെ എങ്ങനെ അതിജീവിക്കണമെന്നതും  പ്രവര്‍ത്തനപദ്ധതികളുമാണ് ഡോക്യുമെന്ററി ചര്‍ച്ച ചെയ്യുന്നത്. പ്രമുഖരുടെയും വിദഗ്ധരുടെയും ഈ വിഷയത്തിലെ വിശകലനങ്ങളെ ഡോക്യുമെന്ററി കോര്‍ത്തിണക്കും.
ഡോ. എം. കെ മുനീറാണ് പ്രൊജക്ടിന്റെ രക്ഷാധികാരി. ട്രൂത്ത് ഗ്രൂപ്പിന്റെ ബാനറില്‍ ഖത്തറിലെ യുവ വ്യവസായി സമദ് ട്രൂത്ത് ആണ് നിര്‍മ്മാണം നിര്‍വ്വഹിക്കുന്നത്. ഫൈസല്‍ നൂറുദ്ദീന്‍ സംവിധാനം ചെയ്യുന്ന ചിത്രത്തിന്റെ ക്രിയേറ്റീവ് ഡയറക്ടര്‍ നോവിന്‍ വാസുദേവാണ്. മാധ്യമപ്രവര്‍ത്തകനും എഴുത്തുകാരനുമായ ടി. അരുണ്‍കുമാറാണ് രചന. പ്രശസ്ത ഫോട്ടോഗ്രാഫര്‍ ജിതേഷ് ദാമോദര്‍ ഛായാഗ്രഹണം നിര്‍വഹിക്കുന്നു.റിസര്‍ച്ച് ടീം ഹെഡ് സൈറ സലീം. ഡിസൈന്‍സ് രാജേഷ് ചാലോട്. പ്രശസ്ത സൗണ്ട് ഡിസൈനര്‍ പി.എം സതീഷ് ഉള്‍പ്പെടെയുള്ളവര്‍ സാങ്കേതികമേഖലയില്‍ ഡോക്യുമെന്ററിയെ പിന്‍തുണയ്ക്കുന്നുണ്ട്.
INDIANEWS24 KOZHIKKODE DESK

 

Leave a Reply