728-pixel-x-90-2-learn
728-pixel-x-90
<< >>

യുദ്ധ ഭീതിയില്‍ പരിഭ്രാന്തമായി പാകിസ്ഥാന്‍ ഇന്ത്യന്‍ സ്ഥാനപതിയെ പുറത്താക്കി,പാക്‌ സ്ഥാനപതിയെയും തിരിച്ചു വിളിക്കുന്നു

ഇസ്ലാമാബാദ്: ഇന്ത്യയുടെ അപ്രതീക്ഷിത നീക്കത്തില്‍ പാകിസ്ഥാന്‍ പരിഭ്രാന്തമായി പ്രതികരിക്കുന്നു.കാശ്മീരിനുള്ളപ്രത്യക പദവി ഉറപ്പു വരുത്തിയിരുന്ന ആര്‍ട്ടിക്കിള്‍ 370 റദ്ദ് ചെയ്യുകയും കാശ്മീരിനെ രണ്ടു കേന്ദ്ര ഭരണ പ്രദേശങ്ങളായി വിഭജിക്കുകയും ചെയ്ട ഇന്ത്യന്‍ നടപടിയോട് പാകിസ്ഥാന്‍ പ്രതികരിച്ചത് ഇന്ത്യന്‍ സ്ഥാനപതിയെ പുറത്താക്കുകയും പാക്‌ സ്ഥാനപതിയെ ഡല്‍ഹിയില്‍ നിന്നും തിരിച്ചു വിളിക്കാനും തീരുമാനിച്ച പാകിസ്ഥാന്‍ വ്യോമാതിര്‍ത്തി അടയ്ക്കുവാനും മുതിര്‍ന്നിരിക്കുകയാണ്.അമിത് ഷാ ഇന്ത്യന്‍ പാര്‍ലമെന്റില്‍ നടത്തിയ പ്രസംഗത്തില്‍ പാക് അധിനിവേശ കാശ്മീരും പുതിയ കാശ്മീരിന്റെ ഭാഗമാകും എന്ന് പ്രസ്താവിച്ചിരുന്നു.

ജമ്മു കശ്മീരിനുള്ള പ്രത്യേക പദവി പിന്‍വലിച്ച് സംസ്ഥാനത്തെ ഇന്ത്യ വിഭജിച്ചതിന് പിന്നാലെ പാകിസ്ഥാന്‍ പാര്‍ലമെന്‍റ ഈ വിഷയം ചര്‍ച്ച ചെയ്യാന്‍ സംയുക്തസമ്മേളനം വിളിച്ചു ചേര്‍ത്തിരുന്നു. ഇന്ത്യയുടെ നടപടി അന്താരാഷ്ട്ര ഉടമ്പടികളുടെ ലംഘനമാണെന്നും ഇത് ദൂരവ്യാപകപ്രത്യാഘാതം സൃഷ്ടിക്കുമെന്നുമാണ് ഇമ്രാന്‍ഖാന്‍ സമ്മേളനത്തില്‍ പറഞ്ഞത്. പുല്‍വാമ മോഡല്‍ ആക്രമണങ്ങള്‍ ഇനിയും ഇന്ത്യയിലുണ്ടാവുമെന്നും ഇതില്‍ പാകിസ്ഥാനെ കുറ്റപ്പെടുത്താന്‍ വരേണ്ടെന്നും ഇമ്രാന്‍ സമ്മേളനത്തില്‍ പ്രസ്താവിച്ചിരുന്നു.

ഇന്ത്യയുമായുള്ള നയതന്ത്രബന്ധം വെട്ടിച്ചുരുക്കാനും വ്യാപരബന്ധം അവസാനിപ്പിക്കാനും പാകിസ്ഥാന്‍ പ്രധാനമന്ത്രി ഇമ്രാന്‍ഖാന്‍റെ അധ്യക്ഷതയില്‍ ഇസ്ലാമാബാദില്‍ ചേര്‍ന്നദേശീയസുക്ഷാസമിതി യോഗം തീരുമാനിച്ചു. അതിര്‍ത്തിയില്‍ ജാഗ്രത തുടരാനും  കരസേനയോട് പാകിസ്ഥാന്‍ പ്രധാനമന്ത്രി ഇമ്രാന്‍ഖാന്‍ നിര്‍ദേശിച്ചു.

ഇന്ത്യയിലെ പാകിസ്ഥാന്‍ സ്ഥാനപതിയെ തിരികെ വിളിക്കുമെന്നും ഇസ്മാബാദിലുള്ള ഇന്ത്യന്‍ അംബാസിഡറെ ദില്ലിയിലേക്ക് തിരിച്ചയക്കുമെന്നും പാകിസ്ഥാന്‍ വിദേശകാര്യമന്ത്രി ഷാ മെഹമ്മൂദ് ഖുറേഷി വാര്‍ത്താ ഏജന്‍സിയോട് പറഞ്ഞു. വിദേശകാര്യമന്ത്രിയുടെ പ്രസ്താവന വന്നതിന് പിന്നാലെ ഇന്ത്യന്‍ അംബാസിഡറോട് എത്രയും പെട്ടെന്ന് രാജ്യം വിടാന്‍ പാകിസ്ഥാന്‍ ആവശ്യപ്പെട്ടതായുള്ള വിവരം പുറത്തു വന്നിട്ടുണ്ട്. ഇന്ത്യയിലെ പാകിസ്ഥാന്‍ സ്ഥാനപതിയെ തിരികെ വിളിക്കുകയും ചെയ്തു.

കശ്‍മീരിനെ വിഭജിച്ച ഇന്ത്യന്‍ നടപടി ഐക്യരാഷ്ട്രസഭയിലും സുരക്ഷാസമിതിയിലും ഉന്നയിക്കാനും ആഗസ്റ്റ് 14-ലെ പാകിസ്ഥാന്‍റെ ദേശീയസ്വാതന്ത്രദിനം കശ്മീരികളോടുള്ള ഐക്യദാര്‍ഢ്യദിനമായി ആചരിക്കാനും യോഗം തീരുമാനിച്ചു. കശ്മീരിലെ ഇന്ത്യയുടെ ഇടപെടല്‍ സാധ്യമായ വഴികളിലൂടെയെല്ലാം അന്താരാഷ്ട്രവേദികളില്‍ എത്തിക്കണമെന്ന് പ്രധാനമന്ത്രി ഇമ്രാന്‍ഖാന്‍ ഉദ്യോഗസ്ഥരോട് നിര്‍ദേശിച്ചതായി സര്‍ക്കാര്‍ പുറത്തുവിട്ട വാര്‍ത്താക്കുറിപ്പില്‍ പറയുന്നു.

ഇന്ത്യ-പാക് ബന്ധത്തിലെ ഈ ഉലച്ചില്‍ അതീവ ശ്രദ്ധയോടെയാണ് ലോകം നോക്കിക്കാണുന്നത്.കടുത്ത നടപടികളിലേക്ക് ഇന്ത്യനീങ്ങും എന്ന് തന്നെയാണ് പാകിസ്ഥാനും പ്രതീക്ഷിക്കുന്നത്.പഴുതടച്ച സുരക്ഷാ നടപടികളുമായി ഇന്ത്യന്‍ സൈന്യവും കാശ്മീരില്‍ തയ്യാറെടുക്കുകയാണ്.വരും ദിനങ്ങള്‍ അതീവ നിര്‍ണ്ണായകമാകും എന്ന് പരക്കെ വിലയിരുത്തപ്പെടുന്നു.

INDIANEWS24 NEW DELHI DESK

 

Leave a Reply