728-pixel-x-90-2-learn
728-pixel-x-90
<< >>

ഭ​വ​ന, വാ​ഹ​ന ​വാ​യ്പ​ക​ൾ​ക്കു പ​ലി​ശ കൂ​ടും;റിസര്‍വ്ബാങ്ക് റീ​പോ നി​ര​ക്ക് വര്‍ദ്ധിപ്പിച്ചു

മും​ബൈ: റി​സ​ർ​വ് ബാ​ങ്ക് പ​ലി​ശ നി​ര​ക്ക് കൂ​ട്ടു​വാന്‍ തീരുമാനിച്ചു.ഇ​ന്ന​ലെ പ​ണ​ന​യ ക​മ്മി​റ്റി റീ​പോ നി​ര​ക്ക് കാ​ൽ ശ​ത​മാ​നം കൂ​ട്ടി 6.25 ശ​ത​മാ​ന​മാ​ക്കി. ഇ​തി​ന്‍റെ ഫ​ല​മാ​യി റി​വേ​ഴ്സ് റീ​പോ ആ​റും മാ​ർ​ജി​ന​ൽ സ്റ്റാ​ൻ​ഡിം​ഗ് ഫ​സി​ലി​റ്റി (എം​എ​സ്എ​ഫ്), ബാ​ങ്ക് റേ​റ്റ് എ​ന്നി​വ 6.5 ശ​ത​മാ​ന​വു​മാ​യി. ക​രു​ത​ൽ​പ​ണ അ​നു​പാ​തം (സി​ആ​ർ​ആ​ർ) നാ​ലു ശ​ത​മാ​ന​ത്തി​ലും സ്റ്റാ​ച്യൂട്ട​റി ലി​ക്വി​ഡി​റ്റി റേ​ഷ്യോ 19.5 ശ​ത​മാ​ന​ത്തി​ലും മാ​റ്റ​മി​ല്ലാ​തെ തു​ട​രും. (റി​സ​ർ​വ് ബാ​ങ്കി​ൽ​നി​ന്നു വാ​ണി​ജ്യ ബാ​ങ്കു​ക​ൾ അ​ടി​യ​ന്ത​ര ഹ്ര​സ്വ​കാ​ല വാ​യ്പ​യെ​ടു​ക്കു​ന്പോ​ൾ ഈ​ടാ​ക്കു​ന്ന പ​ലി​ശ​യാ​ണു റീ​പോ നി​ര​ക്ക്.

പ​ലി​ശ​നി​ര​ക്കി​ൽ കാ​ൽ​ശ​ത​മാ​നം മാ​റ്റം വ​രു​ന്പോ​ൾ 30 ല​ക്ഷം രൂ​പ​യു​ടെ 20 വ​ർ​ഷ ഭ​വ​ന വാ​യ്പ​യു​ടെ ഇ​എം​ഐ​യി​ൽ 476 രൂ​പ വ​ർ​ധി​ക്കും. മു​ഴു​വ​ൻ കാ​ലാ​വ​ധി​യും ക​ണ​ക്കാ​ക്കി​യാ​ൽ 1,14,240 രൂ​പ അ​ധി​കം അ​ട​യ്ക്ക​ണം. പ​ത്തു​ല​ക്ഷം രൂ​പ​യു​ടെ അ​ഞ്ചു​വ​ർ​ഷ കാ​ർവാ​യ്പ​യി​ൽ ഇ​എം​ഐ 123 രൂ​പ കൂ​ടും. മൊ​ത്തം വ​ർ​ധ​ന 7380 രൂ​പ വ​രും. മി​ക്ക ബാ​ങ്കു​ക​ളും ഇ​എം​ഐ കൂ​ട്ടു​ന്ന​തി​നു പ​ക​രം വാ​യ്പാ കാ​ലാ​വ​ധി കൂ​ട്ടു​ക​യാ​ണു ചെ​യ്യു​ന്ന​ത്.

ന​രേ​ന്ദ്ര മോ​ദി പ്ര​ധാ​ന​മ​ന്ത്രി​യാ​യ ശേ​ഷം ആ​ദ്യ​മായാ​ണ് ബാങ്ക്  പലിശ നിരക്ക് ഉയരുന്നത്.പുതിയ തീരുമാനത്തിന്റെ ഫലമായി  ഭ​വ​ന​വാ​യ്പ​യു​ടെ​യും വാ​ഹ​ന​വാ​യ്പ​ക​ളു​ടെ​യും പ്ര​തി​മാ​സ ഗ​ഡു കൂ​ടു​ക​യോ വാ​യ്പാ കാ​ലാ​വ​ധി നീ​ളു​ക​യോ ചെ​യ്യും. ഏതാ​യാ​ലും വാ​യ്പ എ​ടു​ത്ത​വ​ർ കൂ​ടു​ത​ൽ പ​ണം അ​ട​യ്ക്ക​ണം. ഇ​തി​ന​കം ര​ണ്ടു​ത​വ​ണ ബാ​ങ്കു​ക​ൾ പ​ലി​ശ നി​ര​ക്ക് ചെ​റി​യ​തോ​തി​ൽ വ​ർ​ധി​പ്പി​ച്ചി​ട്ടു​ണ്ട്.

INDIANEWS FINANCE DESK


 

Leave a Reply