728-pixel-x-90-2-learn
728-pixel-x-90
<< >>

കേഫാക് ടേസ്റ്റി റസ്റ്റോറന്റ് സെവന്‍സ് ടൂർണമെന്റ് വെള്ളിയാഴ്ച

കുവൈറ്റ്‌ : കേരള എക്‌സ്പാറ്റ്‌സ് ഫുട്‌ബോള്‍ അസോസിയേഷന്‍ (കെഫാക്)   ടേസ്റ്റി റസ്റ്റോറന്റിന്‍റെ  സഹകരണത്തോടെ സംഘടിപ്പിക്കുന്ന  ഈ സീസണിലെ  ആദ്യ ഏകദിന സെവന്‍സ് ഫുട്ബോ ടൂർണമെന്റ് അടുത്ത  വെള്ളിയാഴ്ച  വൈകിട്ട് 3:30 മുത 8:30 വരെ  ഫഹാഹീല്‍  പബ്ലിക് അതോറിറ്റി ഫോര് യൂത്ത് & സ്പോര്‍ട്സ് സ്റ്റേഡിയത്തില്‍ നടക്കും. കെഫാക് ലീഗില്‍  രജിസ്റ്റര്‍  ചെയ്ത 16 ടീമുക  അണിനിരക്കുന്ന ടൂര്‍ണമെന്റില്‍  റൌണ്ട് റോബി ലീഗ് അടിസ്ഥാനത്തിലാണ്  ആദ്യ ഘട്ട മത്സരങ്ങള്‍  നടക്കുന്നത് . തുടര്‍ന്ന്‍  ക്വാര്‍ട്ടര്‍  , സെമി , ഫൈന മത്സരങ്ങളും  നടക്കും .  രണ്ട്  ഗ്രൌണ്ടുകളിലായി 32 മത്സരങ്ങള്‍  നടക്കുമെന്ന് സംഘാടകര്‍ അറിയിച്ചു. കഴിഞ്ഞ രണ്ട് വര്‍ഷമായി  മലയാളി ഫുട്ബാള്‍ ക്ലബുകളെയും ,  കളിക്കാരെയും ഫുട്ബാള്‍ പ്രേമികളെയും  ഒരൊറ്റ ചരടില്‍ കോര്‍ത്തിണക്കി കെഫാക്  മുന്നേറികൊണ്ടിരിക്കുകയാണ്. ഇന്ത്യയിലും, കേരളത്തിലും  പല പ്രമുഖ ക്ളബുകള്‍ക്കും , യുണിവേര്‍സിറ്റികള്‍ക്കും   പന്തുതട്ടിയിട്ടുള്ള  പ്രശസ്തരായ കളിക്കാര്‍  വിവിധ ക്ളബുകളില്‍ ബൂട്ടനിയുന്നുണ്ട് .  കാല്‍പന്തുകളിയെ അതിരറ്റ് സ്നേഹിക്കുന്ന പതിനായിരങ്ങളായ മലയാളി പ്രവാസികള്‍ക്കുള്ള കെഫാക്കിന്റെ  സമ്മാനമാണ്  ഏകദിന സെവന്‍സ് ഫുട്ബോ ടൂർണമെന്റന്ന്‍ സംഘാടകര്‍ പറഞ്ഞു.  ഏകദിന സെവന്‍സ് ഫുട്ബോ ടൂർണമെന്റില്‍  സോക്കര്‍ കേരള ,  മാക് കുവൈത്ത് , കേരള ചലഞ്ചേഴ്സ്, ഫഹാഹീല്‍ ബ്രദേഴ്‌സ് സി.എഫ്.സി സാല്‍മിയ, , കേരള സ്ട്രൈക്കേഴ്സ്,  മലപ്പുറം ബ്രദേഴ്‌സ് , കെ.കെ.എസ് സൗത്ത് സുര്‍റ, സ്പാര്ക്സ് എഫ് സി , റൗദ ചലഞ്ചേഴ്സ്, ബിഗ് ബോയ്സ്, യൂത്ത് ഇന്ത്യ, സില്‍വര്‍സ്റ്റാര്‍സ്. സ്റ്റാ ലൈറ്റ് വരിയെര്സ് , ചാമ്പ്യൻസ് എഫ് സി അബ്ബാസിയ  , യംഗ് ഷൂട്ടേര്‍സ് , സിയസ്കോ കുവൈറ്റ്‌ എന്നീ ടീമുകളാണ് മാറ്റുരക്കുന്നത്. 

 

കഴിഞ്ഞ ദിവസം നടന്ന  കെഫാക് – ഗള്‍ഫ് മാര്‍ട്ട് സോക്കര്‍ ലീഗ് മത്സരത്തില്‍  യംഗ് ഷൂട്ടേര്‍സും  , സ്പാര്‍ക്സ് എഫ്.സി യും , സിയസ്കോ കുവൈറ്റും  ജയം നേടി . യംഗ് ഷൂട്ടേര്‍സ് എതിരില്ലാത്ത രണ്ട് ഗോളുകള്‍ക്കാണ് സോക്കര്‍ കേരളയെ തോല്‍പ്പിച്ചത്.  വിജയികള്‍ക്ക് വേണ്ടി ജീമോനും , അനസും  ഗോളുകള്‍ നേടി.   കളിയുടെ തുടക്കത്തിലെ  നിയന്ത്രണം ഏറ്റെടുത്ത യംഗ് ഷൂട്ടേര്‍സ് താരങ്ങള്‍ക്ക്   നിരവധി  ഗോള്‍ അവസരങ്ങള്‍   ലഭിച്ചെങ്കിലും  ലക്ഷ്യത്തിലെത്തിക്കുവാനായില്ല. പരുക്കന്‍ അടവുകള്‍ കണ്ട കളിയില്‍ അഞ്ച് മഞ്ഞ കാര്‍ഡുകളും ,   ഒരു  ചുവപ്പ് കാര്‍ഡും  റഫറി  പുറത്തടുത്തു.  കളിയുടെ ആദ്യ പകുതിയില്‍ തന്നെ മഞ്ഞക്കാര്‍ഡ്‌ നല്‍കി റഫറി  സോക്കര്‍ കേരളയുടെ താരത്തിന് മുന്നറിയിപ്പ് നല്‍കിയിരുന്നു . എന്നാല്‍ എതിര്‍താരത്തെ വീണ്ടും ഗുരുതരമായി ഫൌള്‍ ചെയ്തതിനെത്തുടര്‍ന്ന് കളിക്കളത്തില്‍ നിന്ന് ചുവപ്പ് കാര്‍ഡ്‌ നല്‍കി  റഫറി പുറത്താക്കുകയായിരുന്നു. കളിയിലെ കേമനായി  യംഗ് ഷൂട്ടേര്‍സ് താരം ഷബീറിനെ തിരഞ്ഞടുത്തു.  രണ്ടാം മത്സരത്തില്‍ പൊരുതി കളിച്ച കേരള ചാലഞ്ചെഴ്സിനെ ഒന്നിനെതിരെ രണ്ട് ഗോളുകള്‍ക്കാണ് സ്പാര്‍ക്സ് എഫ്.സി കീഴടക്കിയത്. വിജയികള്‍ക്ക് വേണ്ടി ബിപിന്‍ , അഷ്‌റഫ്‌ എന്നിവര്‍ ഗോളുകള്‍ നേടി. ഹൈത്തം റസ്റ്ററന്റ്  മാന്‍ ഓഫ് ദി മാച്ച് അവാര്‍ഡ്‌  സ്പാര്‍ക്സ് എഫ്.സി താരം സിദ്ദിക്കിന് ഹൈത്തം ഗ്രൂപ്പ്‌ ജനറല്‍ മാനേജര്‍ ഷാനവാസ്  സമ്മാനിച്ചു . തുല്യ ശക്തികള്‍ പോരാടിയ അവസാന മത്സരത്തില്‍ സിയസ്കോ കുവൈറ്റ്‌ ഒന്നിനെതിരെ മൂന്ന് ഗോളുകള്‍ക്ക് രൗദ ചാലഞ്ചെഴ്സിനെ തോല്‍പ്പിച്ചു. നിരവധി അവസരങ്ങള്‍ രൗദ ചാലഞ്ചെഴ്സിന് ലഭിച്ചെങ്കിലും  ബാറിന് കീഴില്‍ അസാമാന്യ ഫോം  പ്രകടമാക്കിയ ശിവ പ്രസാദിനെ മുന്നില്‍  അടിയറവ് പറയുകയായിരുന്നു. കളിയുടെ ആദ്യ പകുതിയില്‍ രൗദ ചാലഞ്ചെഴ്സിന്‍റെ താരം  ചുവപ്പ് കിട്ടി പുറത്തായതിനെ തുടര്‍ന്ന് പത്ത് പേരുമായാണ് കളി പൂര്‍ത്തിയാക്കിയത്. വിജയകള്‍ക്ക് വേണ്ടി മുഹമ്മദ്‌ കമാല്‍ , ഷൈജു രാജ് , അബ്ബാസ് എന്നിവര്‍ ഗോളുകള്‍ നേടി. ഹൈത്തം റസ്റ്ററന്റ്  മാന്‍ ഓഫ് ദി മാച്ച് അവാര്‍ഡ്‌ സിയസ്കോ കുവൈറ്റ്‌ താരം ശിവ പ്രസാദിന് ഹൈത്തം ഗ്രൂപ്പ്‌ ജനറല്‍ മാനേജര്‍ ഷാനവാസ് നല്‍കി . ഫുട്ബോള്‍ പ്രേമികള്‍ക്ക്‌ കുടുംബ സമേതം മല്‍സരങ്ങള്‍ ആസ്വദിക്കാനുള്ള സൗകര്യമൊരുക്കിയതായി കെഫാക്‌ ഭാരവാഹികള്‍ അറിയിച്ചു. കൂടുതല്‍ വിവരങ്ങള്‍ക്ക്‌ 50655115  , 97327238 എന്നീ‍ നമ്പറുകളില്‍ ബന്ധപ്പെടാം.

Leave a Reply