728-pixel-x-90-2-learn
728-pixel-x-90
<< >>

ഇന്‍ഡിവുഡ് ഫിലിം കാര്‍ണിവലിനോടനുബന്ധിച്ച് മാധ്യമ പ്രവര്‍ത്തകര്‍ക്ക് പുരസ്‌കാരങ്ങള്‍ നല്‍കുന്നു

കൊച്ചി : ലോകത്തിലെ  ഏറ്റവും വലിയ ഫിലിം കാര്‍ണിവല്‍  ഇന്‍ഡിവുഡ് ഫിലിം കാര്‍ണ്ണിവലിന്റെ 4-ാം സീസണോടനുബന്ധിച്ച് മികച്ച മാധ്യമ റിപ്പോര്‍ട്ടുകള്‍ക്ക് പുരസ്‌കാരങ്ങള്‍ നല്‍കുന്നു. ദൃശ്യ -പത്ര മാധ്യമങ്ങള്‍, വാര്‍ത്ത ഏജന്‍സികള്‍, റേഡിയോ ജോക്കി, മികച്ച ഫോട്ടോഗ്രാഫര്‍, മികച്ച ക്യാമറമാന്‍, എഡിറ്റിംഗ്, പ്രോഗ്രാം വിഭാഗങ്ങളിലായാണ് പുരസ്‌കാരങ്ങള്‍. ഡിസംബര്‍ 1 മുതല്‍ 5 വരെ ഹൈദരാബാദ് ഹൈടെക്സ് കണ്‍വെന്‍ഷന്‍ സെന്ററില്‍ നടക്കുന്ന ഇന്‍ഡിവുഡ് ഫിലിം കാര്‍ണിവലുമായി ബന്ധപ്പെട്ട് ചെയ്ത വാര്‍ത്തകളും, വീഡിയോകളും, pr@indywood.co.in എന്ന ഇ മെയിലിലൂടെ അയയ്ക്കാവുന്നതാണ്.2018 ജനുവരി 5-ാം തീയതി വൈകിട്ട് 5 മണി വരെ വാര്‍ത്തകള്‍ അയക്കാവുന്നതാണ്. ഫിലിം ജേര്‍ണലിസത്തിന്റെ  വളര്‍ച്ചയ്ക്കായാണ് ഇന്‍ഡിവുഡ് മികച്ച മാധ്യമപ്രവര്‍ത്തകരെ ആദരിക്കുന്നതെന്ന് ഇന്‍ഡിവുഡ് സ്ഥാപക ഡയറക്ടര്‍ സോഹന്‍ റോയ് പറഞ്ഞു.പതിനായിരം രൂപ വീതം ക്യാഷ് പ്രൈസും, ട്രോഫിയും, സര്‍ട്ടിഫിക്കറ്റും ജേതാക്കള്‍ക്ക് സമ്മാനിക്കും. ഇതിനു പുറമേ 2 പ്രോല്‍സാഹന പുരസ്‌കാരങ്ങളും നല്‍കും എന്ന് ഇന്‍ഡിവുഡ് വക്താവ് അറിയിച്ചു.

5 ദിവസങ്ങളിലായി നടക്കുന്ന ഇന്‍ഡിവുഡ് ഫിലിം കാര്‍ണിവലില്‍ 100 രാഷ്ട്രങ്ങളില്‍ നിന്നുള്ള പ്രതിനിധികളടക്കം ഒരു ലക്ഷത്തോളം പേര്‍ പങ്കെടുക്കും. ഫിലിം കാര്‍ണിവലിനോടനുബന്ധിച്ച് ഇന്‍ഡിവുഡ് ഫിലിം മാര്‍ക്കറ്റ് സംഘടിപ്പിക്കുന്ന പ്രദര്‍ശനവുമുണ്ടാകും. 300-ാളം പ്രദര്‍ശകര്‍ ഇതിന്റെ ഭാഗമാകും. ലോകമെമ്പാടും നിന്നുള്ള 5000ത്തിലധികം മാര്‍ക്കറ്റിംഗ് പ്രതിനിധികളും, 500-ാളം നിക്ഷേപകരും കാര്‍ണിവലില്‍ പങ്കെടുക്കുന്നുണ്ട്. ആകെ 115 അന്താരാഷ്ട്ര സിനിമകള്‍ കാര്‍ണിവലില്‍ പ്രദര്‍ശിപ്പിക്കും.

വൈവിധ്യമാര്‍ന്ന നിരവധി പരിപാടികളും, കാര്‍ണിവലിനോടനുബന്ധിച്ച് ഒരുക്കുന്നുണ്ട്.  അലിഫ് (ഓള്‍ ലൈറ്റ്സ് ഇന്ത്യ അന്താരാഷ്ട്ര ചലച്ചിത്ര മേള) നു പുറമേ, സിനിമ വ്യവസായം, യുവകലാപ്രതിഭകള്‍ക്ക് അവസരമൊരുക്കുന്ന ടാലന്റ് ഹണ്ട്, ഫാഷന്‍ ഷോകള്‍, നിക്ഷേപക സംഗമം, സിനിമ ശില്‍പശാലകള്‍, സെമിനാറുകള്‍, പ്രദര്‍ശനങ്ങള്‍, ഇന്‍ഡിവുഡ് അക്കാദമി പുരസ്‌കാരങ്ങള്‍, പ്രവാസി രത്ന പുരസ്‌കാരം, ഗോള്‍ഡന്‍ ഫ്രെയിം പുരസ്‌കാരം, സാംസ്‌കാരിക ചടങ്ങുകള്‍, തുടങ്ങി 20ലധികം പരിപാടികള്‍ ഇന്‍ഡിവുഡ് ഫിലിം കാര്‍ണിവലിന്റെ ഭാഗമായി സംഘടിപ്പിക്കും.

INDIANEWS24 KOCHI DESK

Leave a Reply