728-pixel-x-90-2-learn
728-pixel-x-90
<< >>

അടുത്ത ലോക്‌സഭാ തിരഞ്ഞെടുപ്പ് മുതല്‍ വോട്ട് പരിശോധിക്കാവുന്ന യന്ത്രങ്ങള്‍

ന്യൂഡല്‍ഹി:അടുത്ത ലോക്‌സഭാ തിരഞ്ഞെടുപ്പ് മുതല്‍ ഏത് സ്ഥാനാര്‍ത്ഥിക്കാണ് വോട്ട് ചെയ്തതെന്ന് പരിശോധിക്കാവുന്ന വിവിപാറ്റ് യന്ത്രങ്ങള്‍ വോട്ടെടുപ്പിന്‌ ഉപയോഗിക്കും.ഇതിനായി കേന്ദ്രം തിരഞ്ഞെടുപ്പ് കമ്മീഷന് 3173 കോടി രൂപ അനുവദിച്ചു.16 ലക്ഷം വിവിപാറ്റ് യന്ത്രങ്ങളാണ് വാങ്ങുക.

വോട്ടിംഗ് യന്ത്രങ്ങളില്‍ കൃത്രിമം നടക്കുന്നതായി ആരോപണമുയര്‍ന്നതിനെ തുടര്‍ന്നാണ് തീരുമാനം.സുപ്രീംകോടതി ഇടപെടല്‍ കൂടി ശക്തമായ സാഹചര്യത്തില്‍ വിവിപാറ്റ് യന്ത്രങ്ങള്‍ വാങ്ങാന്‍ പണം അനുവദിക്കണമെന്നാവശ്യപ്പെട്ട് മുഖ്യ തിരഞ്ഞെടുപ്പു കമ്മീഷണര്‍ നസീം സെയ്ദി മാര്‍ച്ചില്‍ കേന്ദ്രസര്‍ക്കാരിന് കത്തെഴുതിയിരുന്നു.ആവശ്യം അംഗീകരിച്ച കേന്ദ്ര മന്ത്രിസഭ കമ്മീഷന് തുക അനുവദിക്കുകയായിരുന്നു.

വോട്ടിങ് യന്ത്രത്തിനൊപ്പം ഘടിപ്പിക്കുന്ന പ്രിന്ററിലൂടെയെത്തുന്ന സ്ലിപ്പിലൂടെ വോട്ട് ആര്‍ക്കാണ് ചെയ്തതെന്ന് ഉറപ്പിക്കാം. സ്ലിപ് നോക്കാന്‍ ഏഴ് സെക്കന്റ് സമയം നല്‍കും. ഇതിന് ശേഷം പെട്ടിയില്‍ നിക്ഷേപിക്കപ്പെടുന്ന സ്ലിപ്പുകള്‍, ക്രമക്കേട് നടന്നെന്ന ആരോപണം ഉയര്‍ന്നാല്‍ എണ്ണി തിട്ടപ്പെടുത്താം. വരും തെരഞ്ഞെടുപ്പുകളില്‍ വിവിപാറ്റ് നിര്‍ബന്ധമാക്കണമെന്ന് സുപ്രീംകോടതി ഉത്തരവിട്ടിരുന്നു. ഇതു നടപ്പാക്കാന്‍ വൈകുന്നതെന്താണെന്നും കോടതി തെരഞ്ഞെടുപ്പ് കമ്മീഷനോടും കേന്ദ്രത്തോടും ചോദിക്കുകയും ചെയ്തു. മേയ് എട്ടിനകം മറുപടി നല്‍കണമെന്നായിരുന്നു ഉത്തരവ്.

INDIANEWS24.COM NEWDELHI

Leave a Reply